قف يا لمرشح ترى التبذير حرام حرام حرام وكل يعرفه المرشح وهو مرشح في رابعة الوسطى

والله حالة مع المرشيحن الجدد وحركاتهم اللي تقهر الواحد بدل ما تجذب الناس

يعني أنت بدش المجلس بحب الناس أو بسخطهم لك أو بطريقتك المتعالية



مثال :



شخص مرشح روحه في الوسطى ,, صاير أشهر من النار على العلم كل المواقع

حاطين صوره ودعاية حق مجلسه لا وخيمته كأنك داش خيمة زواج وناصبها على

الشارع كل يومين ونسمع عن حادث على الشارع ,, ويوم راح يسجل نفسه حق الترشح

مسوي حق نفسه موكب من السيارة قدامه ووراه يزعم الحبيب رجل مهم ومحد قده



زين يالحبيب جذي الناس بتنفر منك لأنك للحين ما فزت محد يقدر يوصل لك ما بالك

اذا صرت نائب وصرت رجل دولة كفوا واحد حتى يسمع صوتك ,, عزيزي نصيحة

لوجه الله كون متواضع والله ثم والله الناس بتركض عشان تنتخبك حباً فيك



والناس صارت تعرف حركاتك توزع الثلاجات والمكيفات عشان تشتري أصواتهم

وهم يبتسمون لك وياخذون هدايك بس أكثر من واحد أكد لي بأن ما بيصوت لك لأنك

مغرور وتعيش حالة طاؤوسية وسط أهالي منطقة من أكثر المناطق تعاني من المشاكل



حبيبي خفف من مصاريفك الزايدة على الديكورات والكوادر والأعلانات وأنتبه حق

الفقراء والمعوزيين في منطقتك ترى من يصرف فلس لوجه الله ,, الله بيكون عونه

ومعينه في جميع الأحوال



وحسب بعض المصادر بأن المصاريف اللي صرفتها على الهدايا والدعايات والخيم و

الحاجات والمجتاجات وصلت لحدود 100.000 دينار ,, ليش يعني كل هل الصرف و

الأسراف والشرهة مو عليك على مشايخ الدين اللي يشرفون خيمتك عشان يدعمونك

والمبذرين أخوان الشياطين